Asemblea Xeral 2025

Organizamos un posto de venda durante o Culturgal no stand de Culturgal, una dos nosos principais promotores.

Ademais, organizamos un Combate de Debuxantes All Stars no que participaron 4 combatentes.

Mercado de Nadal máis enfocado ao produto ilustrado. Foi a fin de semana do 14 e 15 de decembro no espazo cultural Galgo Azul, cun mercado que contou con 16 postos de produto ilustrado e unha mesa común de fanzines de persoas socias do Autobán.

Ademais, desenvolvimos actividades para dinamizar o evento, como obradoiros e o fotomatón debuxado

As reunións do Club de Debuxo AutoLab consisten en actividades de debuxo experimental e colaborativo en distintas localizacións e con temáticas variadas.

Coidamos que esta actividade ten unha resposta óptima e que axuda á creación de vínculos na comunidade debuxante da cidade.

O Autobom converteuse nun Encontro, unha reunión de xente interesada no eido da BD e a autoedición, con charlas, actividades formativas e lúdicas, e todo moi orientado a que os asistentes aprendan, se coñezan e xeren sinerxías.

As actividades de Autobom desenvolvéronse o venres 9 e o sábado 10 de maio en distintas localizacións.

O mércores 18 de xuño tivemos unha xornada sobre fanzines e autoedición na Biblioteca de Estudos Locais da Coruña.

Coa presentación das obras gañadoras no Premio Autobán 2024, mostra da Fanzinoteca da Biblioteca de Estudos Locais e un faladoiro sobre autoedición.

Premio ao mellor fanzine galego editado entre maio de 2024 e maio de 2025.

“La ilusión”, de Julia Abalde gañou o galardón, e “Enxoval” de Brais Rodríguez gañou o accésit.

Tras ver e analizar polo miudo os 50 fanzines participantes, Bea Lema, Sira González e Luis Yang decidiron o premio era para Julia Abalde.

Nova edición do Autobán, o festival coruñés de autoedición, que conta con actividades que dan a coñecer o mundo da autoedición.

Este ano quereriamos desescalar e ter un número menor de postos no mercado, pero ao final foron máis que a edición anterior. Tamén reduciremos algúns gastos con respecto á edición anterior, como o concerto e a presentación do Combate ao cargo dunha persoa profesional.

Xornadas sobre BD para persoas profesionais e amadoras do medio.
Consistiron en charlas maxistrais e faladoiros con distintos axentes do sector: creadoras que contarán como abordar un proxecto, un estudio de rotulistas e artefinalistas de BD, e tamén contamos coa opinión e consellos dun editor con ampla experiencia.
Desenvolvéronse en dúas tardes, o mércores 5 e o xoves 6 de novembro, na Biblioteca Provincial da Coruña.

Outras actividades que xa desenvolvemos en 2025 foron:

ExpoFanzines e Fanzinoteca Municipal: os fanzines presentados ao Premio Autobán 2025 usáronse para unha exposición durante o Viñetas e para nutrir a sección de fanzines da Biblioteca de Estudos Locais.

Concerto Ilustrado celebrado o primeiro día do festival Viñetas desde o Atlántico, e organizado por nós.

Obradoiros: organizamos obradoiros de fanzines na FLAC e no Viñetas deste ano.

Stand de Viñetas: un ano máis, tivemos un posto en Viñetas con materias das persoas socias do Autobán. Tamén organizamos sesión de sinaturas das persoas gañadoras do Premio Autobán deste ano e o anterior.

Asistencia a feiras: levamos fanzines das persoas socias ao Culturgal 2024, a Allariz Debuxado e a EnCaMiño.

Descontos en tendas: ampliamos os descontos en tendas para as persoas socias do Autobán.

Calendario Autobán: a fin de finanzarnos, lanzamos un calendario da Asociación para venta na web e no Zambombán.

Bolsa de formación: elaboramos unha bolsa de cursos e obradoiros das persoas socias para poder ofertalo a entidades que queren colaborar con nós.